OFW sa Africa

Munting Liwanag

Minsan nagiisip ako (para naman hindi kalawangin ang utak ko) kung bakit tayong mga pinoy ay dagsa ang problema at hindi na makausad ang ating ekonomiya. Isa sa dahilan ay ang malalang corruption na malawakang sinasagawa ng mga naka upo sa gobyerno at ang gagawin pa ng mga opposition na malamang papalit pagtapos ng termino ng mga nakaupo sa gobyerno.

Pero bakit nga ba malala ang corruption sa atin. Sa tutuo lang hindi lang mga opisyal ang corrupt pati na rin ang mga nangangasiwa ng relihiyon kasama na rin ang militar at kung sino sino pang poncio pilato. Kung gayon sino ang aasahin natin na maging matapat sa ating bansa? Sa tingin ko wala na nga ata. Ang nakakapagtataka naman marami naman sa atin ang nakapag aral at alam kung ano ang tama sa mali pero kapag nasa posisyon na nagbabago, nasisilaw na sila ng pera.

Napakasakit isipin ang ating patutunguhan. Ang bansa natin ay wala naman gasinong likas na yaman tulad ng langis at gas pero ano ang ginagawa natin sa ating bayan bangkus ay atin itong pinagsasamantalahan at niyuyurakan.

Ewan ko nga kung meron pa ba tayong pag-asa. Tignan mo na lang ang bagong pangyayari na nalathala sa diyaryo at internet tungkol kay Malu Fernandez na nagsulat tungkol sa pandidiri nya sa OFW na kanyang nakasakay sa Emirates Airlines. Si Malu na isang Filipina mula ulo hanggang talampakan ay yumurak sa dangal ng kanyang kapwa Pilipino. Aminin natin na karamihan ng mga elite citizen ng pinas ay mapanglait at akala mo kung sino na sila. Oo may pera sila pero tama na ba itong dahilan para manlait ng iba. Ang kinatutuwa ko lang ay madaming OFW na nagkaisa para bigyan ng leksyon si Malu at itama ang kanyang pananaw sa buhay. Sana lahat ng pinoy ay magkaisa tungo sa kaunlaran ng Pinas. Mangyari kaya ito? Malay natin! Ang mahalaga ay kahit paano ay nakakakita ako ng konting liwanag mula sa kadilimang aking sinasadlakan. Harinawa ang munting liwanag ay lumaki at magsilbing ilaw sa ating lahat.

posted by Asthong Kutchong @ 2:07 AM